Mshambuliaji wa zamani wa Yanga Mkenya Boniface Ambani amesikitishwa na kiwango kilichoonyeshwa na Yanga kwenye mchezo wa kombe la Shirikisho dhidi ya Gor Mahia na kubugizwa mabao 4-0.
Ambani amesema Yanga aliyoiona ikicheza na Gor Mahia juzi sio Yanga anayoifahamu. "Hii sio Yanga ninayoifahamu mimi, kwani hiyo isingeweza kufungwa mabao 4-0 na Gor Mahia," ambani ameiambia EFM.
"Sikuona ubora wowote wa wachezaji wa Yanga, labda wachezaji wawili tu ndio waliokuwa na afadhali."
"Yafaa viongozi wa Yanga wafanye usajili makini ili kuweza kuirejesha timu yao kwenye hali ya ushindani." Ambani pia amemuomba Rais wa Jamhuri ya Muungano wa Tanzania Dk John Magufuli kutupia jicho kinachoendelea Yanga kwani hali hiyo inasikitisha.
0 comments:
Post a Comment