Philippe Coutinho amecheza mechi yake ya mwisho kwa klabu ya Liverpool kwani anatazamia kwenda Barcelona kwa mujibu wa habari
Miamba wa Catalan wamekuwa wakimfukuzia kwa muda mrefu Coutinho lakini walikwama wakiwa wametoa ofa tatu ambazo zilikataliwa kwa ajili ya Mbrazili huyo majira ya joto.
Mchezaji huyo mwenye umri wa miaka 25 ameweka bayana kuwa alitaka kutua Camp Nou, na kuiomba Reds kumruhusu kuondoka, lakini klabu hiyo ilisisitiza kuwa mchezaji wao nyota haendi popote.
Hata hivyo, Daily Mail limedai kuwa Liverpool imebadili mtazamo na sasa wapo tayari kuachana na mchezaji huyo wa zamani wa Inter Milan, ambaye kwa sasa ni majeruhi.
Ripoti zinaendelea kudai kuwa ofa isiyopungua £133m tu ndiyo itakayoweza kuishawishi Liverpool kufanya biashara hiyo katika dirisha la uhamisho kipindi hiki kumuuza mchezaji ambaye bado alikuwa muhimu kwao kutokana na kiwango chake matata.
Coutinho amecheza mechi 20 Liverpool katika michuano yote msimu huu, akifunga magoli 12 na kutengeneza mengine tisa zaidi.
0 comments:
Post a Comment