Arsenal watafanya mazungumzo na Mikel Arteta leo Alhamisi kuhusu kuwa kocha wao mpya, kwa mujibu wa taarifa kutoka Sky Sports.
Nahodha wa zamani wa Gunners ndio anaongoza mbio za kuchukua mikoba ya Arsene Wenger ndani ya Gunners na kama akiteuliwa yeye atapewa kiasi cha Pauni Milioni 50 kwa ajili ya usajili, Sky sports imearifu.
Watendaji wakuu wa Arsenal ambao wanahusika na kuteua kocha mpya nao watakutana kufanya mazungumzo leo .
Kikao hiko kinatarajiwa kuhudhuriwa na Mtendaji Mkuu, Ivan Gazidis, Mkurugenzi wa Michezo Raul Sanllehi na Mkuu wa Kitengo cha usajili , Sven Mislintat.
Gazidis anataka mteule mpya ajaze nafasi ya kuwa kocha mkuu na sio meneja wa timu ili kukidhi mahitaji ya mfumo mpya wa utawala ndani ya Arsenal.
Arteta ni kocha msaidizi wa Manchester City na Pep Guardiola amesema kwamba hatomzuia Muhispania huyo kujiunga na Arsenal .
Imearifiwa kwamba Arteta ataruhusiwa kuteua benchi lake la ufundi mwenyewe.
0 comments:
Post a Comment