Romelu Lukaku amekiri kwamba atakuwa tayari kuondoka Manchester United na kuhamia ligi kuu ya nchini Italia na kudai kwamba mabingwa wa sasa wa Serie A , Juventus tayari wana mradi mzuri.
Mkataba wa sasa wa Lukaku ndani ya Manchester United unafikia tamati mwaka 2022 ambapo alisaini mkataba wa miaka mitano kukiwa na kipengele cha kuongeza mwaka mmoja zaidi alipotoka Everton mwaka jana.
Lakini alipoulizwa na Gazzetta dello Sport kama atakuwa tayari kuhamia Italia, Lukaku alisema," Kwanini sio ? ni matumaini yangu itokee."
" Juventus wana mradi mzuri kwa sasa, na kila mwaka wanazidi kuwa imara . Bila mashaka yoyote Juventus ni moja ya klabu mbili au tatu bora barani Ulaya . Wana kocha mzuri sana na wachezaji wa daraja la juu katika kila eneo."
" Cristiano Ronaldo wa kipekee kabisa, lakini angalia wengine, Paulo Dybala tayari anafanya vizuri na anazidi kuimarika na nampenda Douglas Costa."
0 comments:
Post a Comment