Kocha wa Liverpool Jurgen Klopp amesisitiza kwamba nyota wake Mohamed Salah ana safari ndefu sana ya kufikia mafanikio ya Cristiano Ronaldo.
Klopp amesema kwamba itamchukua Salah miaka 15 kuweza kufikia mafaniko ya nyota wa Real Madrid na mshindi mara tano wa tuzo ya Ballon D ‘or Ronaldo.
Salah amekuwa na msimu bora sana ndani ya Anfield tangu atue hapo majira ya kiangazi yaliyopita akitokea Roma na kufanikiwa kuweka kambani magoli 32 katika ligi na 44 katika mashindano yote.
Hata hivyo Klopp amesema kwamba Salah ana safari ndefu kama anataka kufikia mafanikio ya mpinzani wake wa fainali ya UEFA Ronaldo ambaye ana mataji manne ya UEFA , mawili ya La Liga na matatu ya EPL.
“ Mo amekuwa na msimu bora sana lakini Cristiano amekuwa na misimu 15 kama hii, anefunga magoli mengi sana, idadi ya kichizi “
Kwanini tuwalinganishe ? Kipindi cha Pele hatukumlinganisha na mchezaji yoyote. Na sasa tunao Ronaldo na Lionel Messi ambao wametawala soka la Dunia kwa miaka kadhaa.”
“ Messi na Ronaldo mara nyingi huwa wanakuwa sehemu sahihi ya kufunga goli, na hiko ni kitu kigumu sana katika Dunia ya Soka.” .
“ Ndio maana wapo walipo sasa. Tuzo ya Ballon D’or mara nyingin imekuwa baina yao na kwa kustahili kabisa. Pindi wakiacha kucheza soka tutawakumbuka sana , asilimia 100. Sidhani kama nahitaji kutengeza hii stori ya Salah na Ronaldo.”
0 comments:
Post a Comment