Keshokutwa Jumapili, Septemba 23 2018 mabingwa wa kihistoria wa Tanzania Yanga watashuka kwenye uwanja wa Taifa
kuikabili Singida United katika mchezo wa ligi kuu ya Tanzania Bara.
Mchezo huo unatarajiwa kupigwa saa moja jioni.
Huo utakuwa mchezo wa nne kwa upande wa Yanga huku ukiwa ni mchezo wa mzunguuko wa sita kwa timu nyingine.
Yanga itakuwa inasaka rekodi na kuendeleza wimbi la ushindi katika mfululizo wa michezo yake inayopigwa kwenye dimba la Taifa.
Lakini inakutana na Singida United ambayo msimu uliopita ilifanikiwa kuizuia Yanga isipate ushindi kwenye michezo yote ya ligi huku pia ikiiondosha kwenye michuano ya kombe la FA.
Yanga imeendelea kujifua uwanja wa Chuo cha Polisi Kurasini jijini Dar es salaam kujiandaa na mchezo huo.
0 comments:
Post a Comment