Kocha ya Yanga Mwinyi Zahera amewasamehe Said Juma Makapu, Pius Buswita na Haji Mwinyi waliokuwa wamesimamishwa kutokana na utovu wa nidhamu.
Kulingana na taarifa iliyotolewa na uongozi wa Yanga mapema leo, wachezaji hao wamepata msamaha baada ya kuomba radhi.
Leo walikuwa sehemu ya kikosi cha Yanga kilichofanya mazoezi uwanja wa chuo cha Polisi Kurasini jijini Dar es salaam kujiandaa na mchezo dhidi ya Singida United.
Yondani kuikosa Singida United
Wakati huo huo nahodha wa kikosi cha Yanga Kelvin Yondani ataukosa mchezo wa keshokutwa dhidi ya Singida United kutokana na kufikisha kadi tatu za njano.
Wachezaji wengine ambao wataukosa mchezo huo kutokana na majeruhi ni Juma Mahadhi na Baruani Akilimali.
0 comments:
Post a Comment