Kwa mujibu wa taarifa kutoka Jarida la L'Equipe nchini Ufaransa Edinson Cavani anazidi kuchukizwa na maisha ndani ya Paris Saint-Germain na siku ya Jumapili aliondoka dimbani Parc des Princes peke yake kabla ya wachezaji wenzake.
Cavani alitolewa uwanjani na kocha wake dakika ya 40 dhidi ya Lyon baada ya Presnel Kimpembe kupewa kadi nyekundu na anahisi kwamba hathaminiwi na kama wachezaji wenzake Neymar na Kylian Mbappe.
Straika huyo wa kimataifa wa Uruguay ambaye alikuwa anahusishwa na kuhamia Real Madrid majira ya kiangazi anahisi kwamba wachezaji wenzake kwenye utatu wao hawafanyi majukumu yao ya ulinzi pindi timu ikiwa haina mpira tofauti na yeye.
Na kwa mujibu wa takwimu kutoka jarida la L'Equipe zinaonesha kwamba Neymar na Mbappe wanapasiana sana kuliko wanavyompasia Cavani.
0 comments:
Post a Comment