Alexis Sanchez ataikosa mechi ya Champioms League hapo kesho jumanne, ambapo klabu yake ya Manchester United itashuka dimbani wakiwa nyumbani kukipiga dhidi ya Juventus - kocha mkuu wa United Jose Mourinho amethibitisha.
Sanchez amekosa mazoezi yote ya kuelekea katika mtanange huu, pia kocha wake José Mourinho amesema kuwa mshambuliaji huyo hatokuwa sehemu ya kikosi katika mechi hiyo ya michuano mikubwa ya Ulaya.
"wachezaji mmewaona katika mazoezi hao wote watakuwepo, Sanchez hatokuwepo" Aliwaambia waandishi Wa Habari hii Leo.
Kutokuwepo kwa Sanchez tayari kumeamsha tetesi za kuwa Mshambuliaji huyo ameanza kulazimisha kutaka kuondoka klabuni hapo mwezi January au Dirisha kubwa Kuelekea msimu ujao - The Times wameripoti kuwa Mchile huyo hana furaha na kocha mkuu José Mourinho Kwa Siku za hivi Karibuni.
Sanchez msimu huu amekuwa ni wa kusuasua, ndani ya Premier League mpaka sasa kafunga goli moja tu kwenye mechi saba alizocheza, Amecheza Dakika 90 mechi Moja tu Katika ushindi wa 2-1 Dhidi ya Leicester City, na mechi ya Mwisho Wikendi iliyomalizika Dhidi ya Chelsea katoka kucheza Dakika tano tu kwenye Mchezo Uliomalizika Kwa Sare 2-2.
0 comments:
Post a Comment