Kocha wa Chelsea Antonio Conte ameamua kutulia na kuwa mpole baada ya klabu yake kushindwa kumnasa beki Virgil van Dijk kutoka Southampton .
Virgil van Dijk mwenye umri wa miaka 26 amehamia Liverpool kwa dau la Pauni Milioni 75 na dili hilo lilikubaliwa tarehe 27 Desemba na mdachi huyo kuhamia Anfield rasmi tarehe mosi ya Januari.
Conte ambaye alikuwa akisistiza kwamba klabu yake lazima iendelee kuimarisha kikosi katika dirisha hili la Januari la usajili amekiri kwamba Chelsea walijituma sana kuweza kumnasa Van Dijk.
Alipoulizwa kama amesikitishwa kumkosa beki huyo , Conte amesema. " Hili ndio soka, haya ndio maisha . Ukweli kabisa alikuwa kwenye rada yetu lakini kama unavyojua hili ndio soka."
"Unaweza ukawa na wachezaji wengi unaowataka lakini lazima uwapate sasa . Soko la usajili sio rahisi kwa klabu yoyote."
0 comments:
Post a Comment