Mkurugenzi wa Michezo wa AC Milan Massimiliano Mirabelli amesema Marouane Fellaini ataondoka Manchester United majira haya ya kiangazi , lakini amekiri kwamba AC Milan bado hawajakubaliana dili na Mbeligiji huyo.
Mkataba wa sasa wa Fellaini unafikia kikomo mwezi Juni licha ya kwamba kocha wa United Mourinho alisema kwamba makubaliano yapo mezani , lakini Fellaini bado hajatangaza hadharani kujitika ndani United, huku AC Milan wakiwa moja ya vilabu vinavyowania saini yake.
Mirabelli amesisitiza kwamba kiungo huyo atakataa nafasi ya kuendelea kucheza United na anaamini kwamba kiungo huyo wa zamani wa Everton atavutiwa na kuhamia AC Milan.
. " Fellaini anaweza kuwa mchezaji muhimu kwetu . Tunajua kwamba hatosaini mkataba mpya na United, lakini ni ngumu kusema kwamba tumeshakamilisha dili na yeye. Ana sifa muhimu sana, tutafanya kitu muhimu katika swala hili lakini kila kitu tunaweka akiba kwa sasa. Kwanza inabidi tusajili wachezaji halafu ndio tutangaze."
0 comments:
Post a Comment