Nemanja Matic anaamini kwamba Manchester United wanahitaji kusajili wachezaji wazoefu katika dirisha la usajili ili kupigania mataji zaidi msimu ujao.
Kichapo cha 1-0 dhidi ya Chelsea kwenye fainali ya kombe la FA imemaanisha kwamba United wamemaliza msimu bila kupata taji lolote licha ya kutumia kiasi cha Pauni Milioni 170 majira ya kiangazi pamoja na ujio wa Alexis Sanchez mwezi Januari kwenye dili la kubadilishana wachezaji.
Hata hivyo Matic anaamini kwamba Mourinho inabidi aungwe mkono wa kifedha kama klabu hiyo inataka kushindana ndani ya ligi na UEFA.
" Nafikiri tunahitaji wachezaji wenye uzoefu ili kuleta ubora zaidi kwenye kikosi chetu."
" Baada ya hapo tutaweza kupigania taji na Ligi ya mabingwa Ulaya pia . Nafikiri kwamba tumeboresha msimu huu . Msimu uliopita United walikuwa wa sita, msimu wa nyuma tena walikuwa wa tano."
" kwahiyo tumepanda tupo nafasi ya pili . Timu ambayo imekuwa bora kuliko sisi msimu huu ni Manchester City ."
0 comments:
Post a Comment