Kylian Mbappe Anatarajia kucheza mechi ya wikendi hii wakati klabu yake ya Paris Saint-Germain itakaposhuka dimbani kuvaana na Nice.
Kocha mkuu wa PSG, Thomas Tuchel amethibitisha kuwa kinda huyo atakuwepo katika kikosi kitakachoivaa Nice hapo kesho, Mbappe 19, alioneshwa kadi nyekundu ya moja kwa moja katika mechi dhidi ya Nimes waliopata ushindi wa magoli 4-2.
Mbappe alikumbana na adhabu ya kukosa mechi tatu baada ya kupewa kadi hiyo nyekundu, mechi za Ligue 1 alizokosa ni dhidi ya Saint-Etienne, Rennes na Reims, licha ya kukosekana kwake PSG ilipata ushindi katika mechi zote.
Mpaka Sasa na kabla ya kupewa kadi nyekundu kinda huyo wa kifaransa kafunga magoli 4 katika mechi 3 za Ligi ni hapo kesho anarejea tena.
Baada ya kushinda mechi ya 7 mfululizo msimu huu, PSG imekuwa timu ya nne katika historia ya Ligue 1 na kuwa timu ya kwanza tokea 1960 kushinda mechi 7 za mwanzo wa msimu...Ushindi huo wa Saba msimu huu waliupata waliposhinda 4-1 dhidi ya Reims siku ya Jumatano.
0 comments:
Post a Comment