Mshambuliaji wa Chelsea, Eden Hazard ataikosa mechi ya Europa League Group L, wakati Klabu yake itakaposhuka Dimba la Nyumbani hapo kesho Dhidi ya Mabingwa wa Belarus Klabu ya BATE Borisov, Sababu Mbelgiji huyo Alipata majeraha Katika mechi ya Premier League Dhidi ya Manchester United.
Majeraha hayo pia huenda yakamfanya kuwa nje kwenye mechi ya Wikendi ijayo Katika Premier League Dhidi ya Burnley licha ya kocha mkuu Maurizio Sarri kusema wanafanya kila liwezekanalo Mchezaji huyo Arejee mapema kabla ya Jumapili.
"Hazard tutamkosa" alisema Maurizio Sarri.
"Amepata majeraha ambayo Sasa tunajaribu kuyatatua kwa ajili ya jumapili"
Mshambuliaji huyo wa Kimataifa wa Ubelgiji ndiye Mfungaji Bora Mpaka Sasa Ndani ya Chelsea akiwa tayari na Magoli 8 na Assist 3 kwenye mechi 11.
Kiungo, Jorginho ambaye ameanza mechi zote za Premier League Msimu huu akiwa na Chelsea, lakini Kuelekea mechi ya kesho atapumzishwa Kwa mujibu wa kocha wake Maurizio Sarri
Beki Marcos Alonso ambaye katoka kusaini mkataba mpya anatarajia kuwepo pamoja na Andreas Christensen na Ruben Loftus-Cheek Wote wataanza.
Chelsea ndio vinara wa kundi L ambapo wameshinda mechi zote mbili na hii wanaenda kucheza ni mechi ya tatu, Wapinzani wao BATE wapo Nafasi ya tatu wakiwa wameshinda mechi Moja tu.
0 comments:
Post a Comment