Rivaldo ameiambia Sky Sports kwamba Neymar anatakiwa kuhamia Real Madrid au klabu kubwa ya Ligi kuu ya Uingereza ili kuongeza nafasi yake ya kutwaa tuzo ya Ballon D'or
Neymar aliondoka Barcelona na kuhamia Paris-Saint Germain majira ya kiangazi yaliyopita kwa mkataba wa miaka mitano na rekodi ya uhamisho ya Pauni Milioni 198 , lakini tangu hapo amekuwa akihusishwa na kuhamia Real Madrid.
Pindi Neymar alipohamia PSG , Sky Sports waliambiwa kwamba Neymar ameondoka Barcelona ili kukimbia kivuli cha Lionel Messi na kuongeza nafasi yake ya kutwaa tuzo ya Ballon D'or
Mshindi wa kombe la Dunia Rivaldo ambaye aliwahi kutwaa tuzo hiyo mwaka 1999 akiwa na Barcelona amesema kwamba sababu mojawapo ya kutwaa tuzo hiyo ni kushinda taji la UEFA.
. " Nafikiri hiyo itatakiwa kuwa Real Madrid au klabu ya Uingereza , nafikiri huko atakuwa na nafasi ya kutwaa tuzo ya Ballon D'or "
" Simaanishi kuwakosea heshima , lakini tunajua kwamba ligi ya Ufaransa sio sawa na ligi ya Hispania au Uingereza , ambazo ni ngumu sana."
" Nafikiri Neymar atakuwa na nafasi kubwa ya kutwaa taji la UEFA , kwahiyo pindi mchezaji akitwaa UEFA anakuwa na nafasi kubwa ya kuwa bora Duniani."
0 comments:
Post a Comment