Kiungo anayeondoka wa Manchester City Yaya Toure amesema kwamba hajafungia mlango kuhamia Manchester United akiwa anaangalia klabu mpya atakayocheza msimu ujao.
Toure mwenye umri wa miaka 35 alitangaza mapema mwezi huu kwamba anaondoka Manchester City baada ya miaka 8 ndani ya Etihad na kusisitiza kwamba anataka kubaki ligi kuu ya Uingereza.
Katika mahojiano na Manchester Evening News Toure hajafungia mlango kuhamia Man United ambao wanatafuta mbadala wa Michael Carrick katikati ya kiwanja.
Alipoulizwa kuhusu Michael Carrick, Toure amesema," Ndio ameshastaafu, ngoja tuone , ngoja tuone. Sizifungii malngo timu kubwa. Timu kubwa ni muhimu sana kwangu mimi , nini wanataka kupata , na njia wanayotaka kupita, kwangu mimi ni muhimu."
. " Nataka kwenda sehemu ambayo naweza kutwaa mataji . Itakuwa ngumu siku kucheza dhidi ya City , lakini inabidi nifanye hivyo, ni sehemu ya kazi yangu."
. " Nimekuwa nacheza mpira kwa muda mrefu sana, sina uwezo wa kukaa ofisini au kufanya kitu kingine . Mimi nipo vizuri kwenye soka. Nataka niendelee kucheza katika daraja la juu - Ligi ya Mabingwa Ulaya au kombe la Europa."
0 comments:
Post a Comment