Chelsea wamefanya mawasiliano ya awali na Juventus kwenye matumaini ya kumnasa Gonzalo Higuain, kwa mujibu wa taarifa kutoka Sky Italia.
Baada ya Juventus kukamilisha uhamisho wa dau kubwa kwa Cristiano Ronaldo watalazimika kuuza baadhi ya wachezaji ili kukidhi mahitaji ya kanuni za UEFA FFP.
Kocha mpya wa Chelsea Maurizio Sarri aliwahi kufanya kazi na Higuain wakiwa Napoli kabla ya straika huyo kutua Juventus mwaka 2016 na taarifa kutoka Sky Italia zinasema kwamba Sarri anataka kuungana tena na Higuain pale Darajani London.
Straika huyo wa Kiargentina alifunga magoli 23 katika mechi 50 msimu uliopita na amefunga magoli 55 katika mechi 105 tangu kuhamia Turin.
0 comments:
Post a Comment