Kocha wa Manchester United Jose Mourinho ameweka bayana kuwa Wachezaji wake wanne wataukosa mchezo wa Ligi ya Mabingwa Barani Ulaya utakaopigwa kesho Old Trafford dhidi ya Valencia.
Wachezaji hao ni Ashley Young ambaye alipata majeraha wikiendi iliyopita wakati wa mchezo ambao Man United walipoteza dhidi ya Wagonga Nyundo wa London West Ham United kwa mabao 3-1.
Wengine ni Ander Herrera, Jesse Lingard pamoja na Marcos Rojo ambao wanaendelea kuuguza majeraha yao licha ya Mourinho kuhitaji huduma zao katika kipindi hiki ambacho Man United haina matokeo ya kuridhisha.
0 comments:
Post a Comment