Jana Afisa Habari wa Yanga Dismas Ten alitangaza viingilio vya mchezo wa ligi kuu ya Tanzania Bara kati ya Yanga dhidi ya Mbao FC utakaopigwa Jumapili, October 07 kwenye uwanja wa Taifa.
Kiingilio cha chini kabisa kuweza kuushuhudia mchezo huo unaotarajiwa kuanza saa moja usiku ni Tsh 5,000/- upande wa Mzunguuko.
Majukwaa ya VIP B na C kiingilio kitakuwa Tsh 10,000/- wakati upande wa VIP A ni Tsh 15,000/-. Ten amewataka mashabiki wa Yanga kujitokeza kwa wingi kwenye mchezo huo ambao mabingwa hao wa kihistoria wamepania kuendeleza wimbi la ushindi dhidi ya Mbao kwenye uwanja wa Taifa.
Yanga haijawahi kupoteza mchezo dhidi ya Mbao katika dimba la Taifa.
Mbao imekuwa ikifanya ubabe inapokuwa kwenye dimba lake la nyumbani, CCM Kirumba ikiwa imeshinda michezo yote dhidi ya Yanga kwenye uwanja huo.
0 comments:
Post a Comment